Air Transat a inougurá buelo for di Toronto pa Kòrsou

WILLEMSTAD- 20 di desèmber 2015 – Entrante 20 di desèmber, Air Transat a kuminsá ku buelo 1 biaha pa siman riba djadumingu entre Toronto, Canada i Kòrsou. Na yegada di e promé buelo e piloto i crew a keda risibí pa Chief Operations Officer di Curaçao Airport Partners (CAP), sr. Tobias Markert, Direktor Interino di Curaçao Tourist Board (CTB), sr. Hugo Clarinda i Presidente i CEO di CHATA, sra. Liza Dindial.

E ruta nobo lo ser efektuá riba djadumingu konforme e siguiente skema:

Ruta

Salida

Yegada

Toronto - Kòrsou

07:55 AM

14:15 PM

Kòrsou - Toronto

15:15 PM

19:55 PM

E buelonan lo ta riba tur djadumingu te ku 3 di aprel 2016. Air Transat lo usa un Boeing 737-800 ku un kapasidat di 189 stul. CTB, CAP i CHATA ta deseá Air Transat tur kos bon!