Aruba Airlines a inougurá buelo pa Kòrsou

WILLEMSTAD- 16 di desèmber 2015 – Entrante 16 di desèmber Aruba Airlines a kuminsá ku buelo 3 biaha pa siman riba djarason, djabièrnè i djasabra entre Aruba i Kòrsou. Riba e mesun dia Aruba Airlines a inougurá tambe su buelo pa Santo Domingo. Na yegada di e promé buelo a hiba palabra Direktor Ehekutivo di Aruba Airlines, sr. Onno de Swart, Chief Commercial Officer di Curaçao Airport Partners (CAP), sra. Peggy Croes, Direktor Interino di Ofisina di Turismo di Kòrsou (CTB), sr. Hugo Clarinda i Direktor di Merkadeo i Produkto di CHATA, sr. Miles Mercera.

Riba e buelo inougural e Direktor Ehekutivo di Aruba Airlines, sr. Onno de Swart a keda kompaña pa invitadonan di e kompania di aviashon, Aruba Tourism Authority, Departamentu di Aviashon Sivil di Aruba i un delegashon di representantenan di Kòrsou.

E buelo lo ser efektuá riba djarason, djabièrnè i djasabra.

Ruta

Salida

Yegada

Aruba - Curaçao

08.15 AM

08.45 AM

Curaçao - Santo Domingo

09.30 AM

10.30 AM

Santo Domingo - Curaçao

14.30 PM

15.30 PM

Curaçao – Aruba

16.15 PM

16.45 PM

Aruba Airlines lo usa un Airbus 320 ku un kapasidat di 150 stul, di kua 12 ta business class i 138 economy class. CTB, CAP i CHATA ta deseá Aruba Airlines tur kos bon!