CTB a laga traha plakat nobo pa Leroy Fer

WILLEMSTAD- 21 di yüli 2014: Ofisina di Turismo di Kòrsou (CTB) pa medio di esaki ta informá ku a koregí e erornan ku a keda hasí riba e plakat ku a entregá na Leroy Fer djaweps último. Den e entusiasmo pa duna rekonosementu na Leroy Fer no a nota ku tabatin eror den e teksto riba e plakat. Leroy Fer resientemente a saka kara di Kòrsou na nivel internashonal durante e weganan di futbòl pa Kopa Mundial na Brazil. CTB ta ofresé su diskulpa pa e erornan hasí. A tuma e pasonan nesesario pa asina próksimamente por hasi entrega di e plakat nobo.