CTB a organisá happy hour pa artistanan di Double Play

WILLEMSTAD- 7 di desèmber 2015– Resientemente Ofisina di Turismo di Kòrsou (CTB) a organisá un happy hour espesialmente pa e elenko internashonal ku ta na Kòrsou den kuadro di grabashon di e pelíkula ‘Double Play’. Meta di e happy hour tabata pa gradisí e elenko internashonal pa nan kolaborashon den yuda promové nos pais internashonalmente. Kòrsou ta risibiendo hopi kobertura por medio di nan diferente kanalnan di medionan sosial; Twitter, Instagram i tambe Facebook. Hopi di nan tin miónes di siguidó riba retnan sosial kual ta sòru pa un tremendo kobertura internashonal pa Kòrsou.

E artistanan ku tabat’ei durante di e happy hour ta: Lennie James (ku ta hunga e ròl di Chamon), Alexander Karim (Bubu) ,Isaach De Bankolé (Ernesto), Mustafa Shakir (Manchi), Melanie Liburd (Solema) i Dani Dare (Young Ostrik).Lisa Cortés e produktor i Ernest Dickerson ku ta e direktor di e pelíkula tambe tabat’ei presente na e evento. Un danki spesial ta bai na sr. Elias ku ta finansiá e produkshon grandi aki atraves di su fundashon, Fundashon Bon Intenshon.