Curaçao Culture, Cuisine & Heritage Experience a ranka sali

...Ku un bunita apertura...
Willemstad – 12 di sèptèmber 2016 – Djadumingu último, Ofisina di Turismo di Kòrsou (CTB) a reintrodusí e evento kultural /turístiko ‘Curaçao Culture, Cuisine & Heritage Experience’. Meta di e evento aki ta pa e bishitante eksplorá e diversidat remarkabel di Kòrsou su historia, nos herensia kultural i purba nos kushina lokal. Esakinan ta ingredientenan masha importante di nos produkto turístiko.

CTB i CHATA ta invitá komunidat di Kòrsou pa partisipá na Curaçao Culture, Cuisine & Heritage Experience durante e próksimo fechanan kualnan ta: 25 di sèptèmber, 2 i 29 di òktober, 12 i 27 di novèmber, 4 i 11 di desèmber. Nos ta topa na Plasa Brion na Otrobanda!