Grupo di studiante for di Trinidad a bishitá Kòrsou

WILLEMSTAD- 10 di aprel 2015– Resientemente un grupo di 26 studiante di University of the West Indies St. Augustine, Trinidadku ta siguiendo e estudio di Hospitality and Tourism Management riba nivel di bachelor i master a bishitá Kòrsou.

Meta di e bishita aki tabata pa siña di e aspektonan di merkadeo di un destinashon i desaroyo di e produkto turístiko. Tambe e grupo a haña informashon di e strategianan ku Kòrsou ta usa pa loke ta trata desaroyo di turismo, e retonan i aspektonan nobo. E seshon di informashon a keda guiá pa un representante di Ofisina di Turismo di Kòrsou (CTB) ku a sa di pasa su konosementu pa e grupo di studiantenan for di Trinidad. E studiantenan i dosentenan a keda agradesido ku e informashon risibí durante e seshon di informashon.