JetBlue ta introdusí vuelo nònstòp for di New York pa Kòrsou

WILLEMSTAD- Willemstad, 30 di yüli 2014:- JetBlue Airways a anunsiá su vuelonan nònstòp for di New York pa Kòrsou. Kuminsando 2 di desèmber, 2014, JetBlue lo ta e úniko aerolinea ku lo ofresé vuelonan nònstòp for di New York pa Kòrsou. Pa selebrá e ruta nobo, e aerolinea ta ofresiendo un promoshon di introdukshon bálido pa tur pasashi ku wòrdu kumprá promé ku ougùstùs 6, 2014. E preis promoshonal lo ta $139 (one way)

Di akuerdo ku sr. Stanley Palm, Minister di Desaroyo Ekonómiko, “Nos a bin ta traha den kontakto estrecho ku e tim di JetBlue pa por a realisá e vuelo aki, pues nos ta masha kontentu di por hasi e anunsio aki. Kòrsou ta keda sobresalí komo un di e destinashonnan den Karibe mas gustá, pa su diversifikashon i kultura. Awor tin oportunidat di kompartí esaki ku mas bishitante. New York ta un merkado tòp pa nos komo destinashon i nos tin konfiansa ku e vuelo nònstòp di JetBlue lo sá di kumpli ku e demanda kresiente di e biahero norteamerikano”.

E vuelonan lo keda ofresé 2 bes pa siman, riba djamars i djasabra entre aeropuerto internashonal JFK na New York i aeropuerto internashonal HATO na Kòrsou. Lo sali for di NYC 9’or di mainta riba djamars i djasabra- e buelo lo ta na Kòrsou pa 2:30PM. Vuelonan di regreso lo ta for di HATO 3:30PM i lo yega JFK 7:18PM.

“Nos ta hopi entusiasmá pa ofresé e buelo nònstòp pa Kòrsou, es mas nos ta ofresé mas buelo nònstòp pa Karibe ku kalke otro aerolinea riba e ruta”, esaki di akuerdo ku Robin Hayes, presidente di JetBlue.”E bunita isla di Kòrsou ta nos di 31 destinashon den Karibe i ta wòrdu konsiderá un di esnan di mas bunita di akuerdo ku e biahero”.

Kòrsou ta sigui atraé atenshon komo un destinashon di primera. E ruta nobo ta pèrmití aun mas tantu bishitante pa eksperensiá e kultura eksepshonal di Kòrsou i deskubrí su enkanto. Pa mas informashon por bishitá : www.curacao.com òf www.jetblue.com