Kampaña di publisidat di Kòrsou ta risibí nominashon

WILLEMSTAD- 15 di mei 2015 –Resientemente e kampaña publisitario #MijnCuraçao kondusí pa Ofisina di Turismo di Kòrsou (CTB) na Europa a keda nominá pa SABRE awards den e kategoria di bloggers. E strategia ku a keda usa den e kampaña aki ta ku a usa komo partner un asina yama travel blogger pa e bira un tipo di reportero pa Kòrsou. E reportero aki tabata klave den e strategia no solamente paso e ta kompartí online su eksperensianan via medionan sosial pero tambe paso su programa di dia tabata konsistí di kompartí tep i publiká historianan ku e ta risibí via medionan sosial di personanan lokal i biaheronan. Meta di esaki tabata pa inspirá i lanta kuriosidat di potensial bishitantenan pa asina nan por skohe Kòrsou komo nan próksimo destinashon pa vakashon. E premiashon lo tuma lugá dia 19 di mei próksimo na Londen. SABRE Awards, e kompetensia di awards mas grandi den industria di publisidat ta rekonosé ekselensia den programanan publisitario.