Kevin Florez enkantá ku Kòrsou

...Kantante di momentu na Colombia...
WILLEMSTAD- 21 sèptèmber 2015 – Resientemente Ofisina di Turismo di Kòrsou (CTB) a ekstendé un invitashon na e artista kolombiano Kevin Florez pa bin Kòrsou i asina graba un ‘video clip’ ku nos bunita paisahenan. Kevin Florez ta sumamente popular na Colombia i ku un proyekshon internashonal. E hóben kantante aki, for di chikí ta den e mundu musikal. E artista a keda enkantá ku nos isla durante su bishita fin di siman último.

Durante su bishita na Kòrsou, Kevin a disfrutá di e diferente atrakshonnan ku nos dushi isla tin di ofresé. Via di medionan sosial e la pone diferente potrèt i clip di su bishita. Ta bon pa menshoná ku riba Facebook i Instagram e tin respektivamente 142,147 i 389,000 siguidó. Resultado final di su bishita nos lo por mira pronto den algun video clip di dje mes i di algun ku nos artistanan lokal kaminda e la presentá huntu ku nan. Ku eliminashon di visa pa Colombia for di dia promé di yüli último CTB ta poniendo hopi mas atenshon pa promové nos isla den e merkado kolombiano. Pa mas informashon di Kevin Florez por siguié riba Facebook: Kevin Florez i Instagram: kevinflorezmusic.