Minister Palm a entrega award di Dushi Hende na empleadonan di Selikor

...empleadonan di Selikor a yuda turista ku a keda atraká...
Willemstad – Durante un selebrashon festivo Ofisina di Turismo di Kòrsou (CTB) a duna rekonosementu na 3 empleado di Selikor ku di un manera balente a sa di yuda un turista ku a keda atraká. E empleadonan a sa di kita e kadena ku a keda hòrta for di e turista, for di e ladron i entrega esaki bèk na e turista. Ta trata aki di sr. Sylvio Carmelia, sr. Arie Quirindongo i sr. Bayron Leitoe. E award di Dushi Hende a keda entregá dor di Minister di Desaroyo Ekonómiko, sr. Stanley Palm komo muestra di apresio pa nan asistensia ekstraordinario na e turista aleman.