Miss Universo 2014, Paulina Vega tabata di bishita na Kòrsou pa un ‘photo shoot’ di e revista Maxim

WILLEMSTAD- 24 di mart 2017 - E èks Miss Universo di Colombia, Paulina Vega, a bishitá Kòrsou resientemente pa realisá un ‘photo shoot’ pa e edishon di desèmber di e revista Maxim Colombia di kual e ta riba e portada. E modelo i èks reina tabatin un bishita ekstenso riba nos isla unda el a bishitá diferente arianan eksótiko di Kòrsou i na mes momentu tambe e tabata e protagonista di un ‘photo shoot’. Entre e lugánan ku e la bishita pa e sekshon di ‘photo shoot’ tin: Santa Barbara Beach Resort & Golf Resort, área di Pietermaai, playanan di Porto Marie, Cas Abou i Karakter.

Durante su bishita, Paulina Vega a publiká diferente di su eksperensianan riba su kanalnan di medionan sosial. Riba su Instagram ku tin mas ku 2.9 mion fanátiko el a publiká diferente video ku a generá alrededor di 1.000.260 ‘views’ i su fotonan a surpasá 500.000 ‘likes’. Su bishita na Kòrsou, a lanta kuriosidat serka medionan di komunikashon internashonal tambe; espesialmente medionan di komunikashon kolombiano ku tabata sigui kada paso di su bishita ku hopi euforia.

Paulina, tabata masha kontentu durante su bishita i a dediká mensahenan pa mustra su afekshon i apresio pa Kòrsou i su hendenan. Ofisina di Turismo di Kòrsou (CTB) ta masha orguyoso ku un otro revista di magnitut internashonal a bolbe skohe Kòrsou pa un produkshon fotográfiko. E foto ku ta kompaña e komunikado ta parti di e edishon di desèmber 2016 di e revista Maxim Colombia.