Piloto Elroy Harms rekonosé pa CTB

WILLEMSTAD- 3 di mei 2016 – Resientemente Ofisina di Turismo di Kòrsou (CTB) a risibí e piloto yu di Kòrsou, sr. Elroy Harms pa gradisié personalmente pa su esfuersonan den yuda propagandá Kòrsou miéntras e ta ehersé su trabou komo piloto. Sr. Harms tin 19 aña komo piloto, el a laborá entre otro na DAE i ta laborando aktualmente komo piloto na Abu Dhabi, Emiratonan Árabe Uní, bulando un avion tipo Airbus 320. Durante di su trabou e ta transportá personanan popular/artistanan i hefenan di estado manera presidente di Afghanistan. Semper sr. Harms ta hasi uso di kada oportunidat pa konta di su dushi pais natal. Resientemente sr. Harms a fungi komo piloto personal pa un periodo di 32 dia pa e famoso banda Coldplay durante di nan gira den Sur Amérika.

CTB ta gradisí piloto Elroy Harms pa su aporte na promoshon di nos dushi pais Kòrsou. Masha danki!