Simposio pa operador di tour for di Latino Amérika

...22 operador di tour for di Colombia, Brazil, Ecuador i Venezuela ta partisipá...
WILLEMSTAD- 2 di novèmber 2015 – Dianan 1 te ku 5 di novèmber, Kòrsou ta anfitrion di ‘Latin American Tour Operator Symposium 2015’ (LATOS)ku ta konta ku partisipashon di 22 operador di tour den industria turístiko for di Colombia, Brazil, Ecuador i Venezuela. Ofisina di Turismo di Kòrsou (CTB), Curaçao Hospitality and Tourism Association (CHATA) i partnernan den sektor privá a uni pa realisashon di e simposio aki.

E simposio ta duna e partisipante oportunidat pa interkambiá di pensamentu ku CTB i e industria hotelero riba e produkto ku Kòrsou ta ofresé. Lo brinda e partisipantenan e oportunidat pa sera konosí mas di aserka ku Kòrsou komo destinashon turístiko. E simposio ta konta ku partisipashon di e siguiente operadornan di tour: Blanco Travel, Despegar, Operando Viajes, UGA Turismo, Ultra Group, Carreño Tours, Munditurs, Vital Tours Travel, JPG Turismo Aerosueños, PGV Ecuador, MAS Travel, Golden Vacations, CVC, Schultz, Hoteis No Caribe, New Age, Zarpo, Kanguro i Corporacion Salta.

Durante di e apertura di e simposio e partisipantenan a haña un presentashon di CTB, CHATA, CPA i CAP. Tambe e partisipantenan tabatin oportunidat pa asistí na un charla di informashon di kada bes 30 minüt ku InselAir, Avianca i Copa. E dianan benidero lo enserá entre otro bishita na diferente hotèl, resórt, apartamentu, sentro komersial Sambil, e aria di Pietermaai i tambe nos sentro di siudat. E partisipantenan lo partisipá tambe na un seshon di opinion pa asina por kompartí nan mihó rekomendashonnan pa Kòrsou. Na final lo tin un mesa di negoshashon pa e partisipantenan i representantenan di hotèl.

Un danki ta bai na: Curaçao Marriott Beach Resort & Emerald Casino, Livingstone Jan Thiel Resort, Sunscape Curaçao Resort, Spa & Casino, Renaissance Curaçao Resort & Casino, Santa Barbara Beach & Golf Resort Curaçao, Sambil, Hilton Curaçao, Ginger, Landhuis Chobolobo, ACOYA Curaçao, Papagayo Beach and Lounge Resort, Morena Eco Resort,PietermaaiApartments, Kontiki Beach Resort Curaçao, The Beach House,Trupial Inn Hotel & Casino,Business Serenity, Fiesta Tours, FBTT ku a kontribuí na realisashon di e simposio aki. LATOS ta un esfuerso pa partnernan mantené i alabes establesé relashonnan internashonal ku gruponan for di region Latinoamerikano ku tin un impakto direkto pa nos industria turístiko.