‘We are Travellers NL’ a bishitá Kòrsou

...representantenan di portal di biahe riba internèt a eksperensiá nos isla...
WILLEMSTAD- 29 di mei 2015:‘Wearetravellers.nl’ un wèpsait di biahe hulandes riba kual ta kompartí informashon práktiko, eksperensia, potrèt i duna konseho di biahe resientemente a bishitá Kòrsou. Meta di e bishita aki tabata pa laga e grupo sera konosí ku Kòrsou i tur loke nos pais tin pa ofresé komo destinashon turístiko den Karibe. E representantenan di ‘We are Travellers NL’, Roëll de Ram i Jeroen Koning a disfrutá di 6 dia di aktividat planiá dor di CTB. E programa a konsistí di entre otro un rekorido na banda bou, bishita na museo internashonal Kurá Hulanda, un bishita na plantashon di Áloe Vera, fábrika di likùr Chobolobo, un trep pa Klein Curaçao, un bishitá na Curaçao Sea Aquariumpa un enkuentro ku dòlfein, un kaminata den nos sentro di siudat i un entrevista ku sra. Dinah Veeris. Ademas di e aktividatnan aki e invitadonan a eksperensiá vários restorant kaminda nan a disfrutá di kumindanan lokal i internashonal. CTB ta gradisí tur partner pa nan kontribushon den realisashon di e programa.