Agentenan di biahe impreshoná ku Kòrsou su produkto turístiko

WILLEMSTAD- 20 di desèmber 2018 – Resientemente Ofisina di Turismo di Kòrsou (CTB) a invitá un grupo di 67 agente di biahe brasilero riba e promé buelo direkto for di Brazil pa Kòrsou. E grupo lo keda Kòrsou te ku dia 22 di desèmber próksimo. Durante di nan estadia e grupo lo bishitá diferente parti di Kòrsou pa konosé mas di loke nos pais tin di ofresé na e turista brasilero. CTB a hinka un programa atraktivo den otro ku ta inkluí eksplorá nos sentro di siudat históriko i bishitá otro sitionan di interes manera Landhuis Chobolobo, Curaçao Sea Aquarium, Boca Tabla, landa na Playa Kenepa i hopi mas.

Un danki spesial ta bai na Acoya Curaçao Resort, Villas & Spa i Livingstone Jan Thiel Resort kual ta e hotèlnan kaminda e agentenan di biahe a hospedá.

 
By browsing curacao.com, you accept the use of profiling cookies either ours or third-party ones. More information about cookies and privacy policy.