Copa Airlines ku buelo diario entre Panama i Kòrsou

...Entrante yüli 2018...
WILLEMSTAD- 16 di yanüari, 2018 – Ofisina di Turismo di Kòrsou (CTB), Curaçao Airport Partners (CAP), Curaçao Airport Holding (CAH)i Curaçao Hospitality and Tourism Association (CHATA)ku grato plaser taanunsiá ku entrante yüli 2018 e aerolínea di Panama, Copa Airlines lo oumentá su servisio ofresiendo buelonan diario entre Panama i Kòrsou.

Copa Airlines a kuminsá ofresé su servisio nònstòp di 4 buelo pa siman pa Kòrsou na yüni 2012. Ku anunsio di e buelonan adishonal nònstòp kuminsando na yüli 2018, pasaheronan awor tin e posibilidat pa bula diariamente pa nan destinashon faborito den Karibe kual ta Kòrsou. E buelonan nònstòp for di Panama pa Kòrsou lo keda efektuá diariamente ku un avion modelo Embraer 190 ku un kapasidat di 96 stul. E buelonan adishonal aki ta duna Kòrsou e posibilidat pa sigui krese den e merkado di Latino Amérika konektando Kòrsou via Panama ku paisnan manera Brazil, Colombia i hopi mas. Esaki sigur lo yuda nos pa oumentá e kantidat di bishitante pa nos pais e aña aki.