CTB ku seminarionan edukativo pa mas di 300 agente di biahe na Canada

WILLEMSTAD- 14 òktober 2015– Pa por sigui promové Kòrsou den e merkado kanades, Ofisina di Turismo di Kòrsou (CTB) a uni huntu ku Air Canada Vacations, Sunwing Vacations, Transat Holiday, Travelbrands, WestJet Vacations i partnernan den sektor privá pa organisá un ‘Canada Roadshow’. Meta di e road show tabata pa eduká e mihó agentenan di biahe i pa nan mantené Kòrsou komo e destinashon faborito den Karibe ku nan por ofresé na e turista kanades pa e temporada di wenter benidero.

Durante di un periodo di un siman e tim di Kòrsou a duna vários seminario edukativo, hasi yamadanan di benta i a duna entrenamentu na agentenan di reservashon. Tur esaki pa promové Kòrsou komo destinashon i pa tene nos isla den mente di e turista kanades. Di akuerdo ku e skema di evento na Calgary, Montreal, Toronto, Barrie i Hamilton, e tim di Kòrsou a reuní ku mas di 300 agente di biahe na Canada. CTB un biaha mas a keda sostené dor di vários partner den sektor privá inkluyendo ACOYA Hotel, Suites & Villas, Avila Hotel, Curaçao Marriott Beach Resort & Emerald Casino, Livingstone Jan Thiel Resort, Papagayo Curaçao Resorts, Sunscape Curaçao Resort, Spa & Casino, Fiesta Tours i Funbini Taber Tours.

Pa promé biaha lo tin 4 aerolínea ku lo bula pa Kòrsou durante e temporada di wenter. E kantidat aki ta inkluí Air Transat su buelonan pa Kòrsou for di Toronto kuminsando dia 20 di desèmber 2015 próksimo. Kòrsou lo risibí buelonan di Air Canada, Sunwing i WestJet tambe. Ademas di esaki, Air Canada lo brinda buelonan direkto for di Montreal pa Kòrsou den temporada di wenter.

 
By browsing curacao.com, you accept the use of profiling cookies either ours or third-party ones. More information about cookies and privacy policy.