CTB ta felisitá Chef Broertje Marshall ku e premio máksimo optené na Festival Kulinario Sur Afrika

...Otro logro pa Chef Broertje Marshall i Kòrsou...
WILLEMSTAD - 5 di sèptèmber 2017 -Ofisina di Turismo di Kòrsou (CTB) ta felisitá Chef Broertje Marshall ku e premio di oro risibí durante e ‘Nelson Mandela Culinary Challenge’ ku tabata parti di e prestigioso ‘Ultimate African Heritage, Food, Drinks and Music Festival’ na Johannesburg, Sur Afrika.

Kòrsou a bai ku e premio máksimo siguí pa Zimbabwe i Ghana. Mihó Smak, Presentashon i Plato tur a bai pa Chef Broertje Marshall representando Kòrsou. Un bia mas nòmber di Kòrsou a keda den tòp den e Mundo kulinario danki na e profeshonalismo di nos Chef. CTB ta hopi kontentu i orguyoso di por konta ku un embahador den persona di Chef Broertje Marshall. CTB ta deseá Chef Broertje Marshall hopi éksito mas pa futuro!

 
By browsing curacao.com, you accept the use of profiling cookies either ours or third-party ones. More information about cookies and privacy policy.