Dekorá bo stènt di Karnaval ku e tema ‘Kòrsou ta dushi’ i gana premio

WILLEMSTAD- 1 di febrüari 2019 – Den kuadro di e kampaña di konsientisashon ‘Kòrsou ta dushi’, Ofisina di Turismo di Kòrsou (CTB) ta invitá komunidat pa demostrá ku Kòrsou ta dushi durante e temporada di Karnaval 2019 tambe.

CTB pa medio di su kampaña di konsientisashon Kòrsou ta dushi. Bib’é. Stim’é! ta invitá bo pa dekorá bo stènt di Karnaval hasiendo uso di e tema ‘Kòrsou ta dushi’. Entrante promé di febrüari bo por pasa na CTB i tuma material pa dekorá bo stènt. Pa reglanan di e kampaña bishitá e página di Facebook di Kòrsou ta dushi. Dekorá bo stènt ku oportunidat di gana premionan atraktivo; promé premio fl 1500, segundo premio fl 1000 i e terser premio fl 500.

Lo anunsiá e ganadornan 12 di mart 2019 riba e página di Facebook di Kòrsou ta dushi. Dekorá bo stènt di karnaval i demostrá ku Kòrsou ta dushi. Bib’é. Stim’é!

 
By browsing curacao.com, you accept the use of profiling cookies either ours or third-party ones. More information about cookies and privacy policy.