Hulanda i Estádos Unídos tur dos a krese ku 13%

...Na yanüari 2018...
WILLEMSTAD- 18 di mart 2018 -Ofisina di Turismo di Kòrsou (CTB) ta raportá kresementu den turista di estadia pa luna di yanüari. E kresementu positivo den kantidat di turista di estadia ta komo resultado di e bon prestashon for di e merkadonan di enfoke. Turista di estadia for di Hulanda, EstadoUnídos, Canada Colombia, Brazil i Aruba a presta bon na yanüari 2018. E kantidat total di turista di estadia na luna di yanüari a krese ku 2%. Ta trata aki di respektivamente763 turista adishonal na yanüari 2018, hibando e total na 39.510 turista kompará ku 38.747 na yanüari aña pasá.

For di Europa a registrá un subida di 8% na yanüari ku un total di 20.844 europeo ku a bishitá Kòrsou. Aña pasá Kòrsou a risibí un total di 19.308 turista for di Europa na yanüari. Europa ta representá 50% di e total di turista risibí na luna di yanüari. Hulanda a registrá un kresementu di dòbel sifra di 13% na yanüari 2018 hibando e kantidat total di turista di estadia prosedente di Hulanda na un total realisá pa promé biaha di 16.978 turista. Un kantidat adishonal di 1.979 turista hulandes a bishitá nos na yanüari 2018. E resultado positivo di e merkado hulandes por keda atribuí na e buelonan adishonal for di Amsterdam na yanüari. For di Alemania un bahada di 33% a keda registrá na yanüari 2018 pa un total di 1.219 turista prosedente di Alemania. E bahada den kantidat di turista di estadia for di Alemania ta un efekto direkto di e echo ku no tin konektividataéreo entre Kòrsou i Dusseldorf.

Turismo di estadia for di Nort Amérika a registrá un subida di 8% na yanüari 2018. Un total di 9.086 turista a keda risibífor di Nort Amérika. E region ta representá 22% di e total di turista risibína yanüari 2018. Un total di 5.812 turista a keda risibí for di EstádosUnídos na luna di yanüari, registrando un kresementu di dòbel sifra di 13% kompará ku aña pasá. E konsepto di temporada haltu i abou den sektor di turismo ta bisto partikularmente for di Canada. Durante e temporada friu, di desèmber pa mart, tin un kresementu den konektividataéreo. Kresementu for di Canada a keda neutral registrando 0% na luna di yanüari 2018. Kòrsou a risibí 3.274 turista for di Canada na yanüari.

E echo ku e frontera entre Venezuela i islanan ABC ta será for di 5 di yanüariúltimo ta trese kuné ku solamente 903 venezolano a biaha pa Kòrsou. Yanüari aña pasá e kantidat di venezolanoregistrá tabata 3.240. E otro dos merkadonan di enfoke for di Sur Amérika a presta bon. Un kresementu di 2% a keda registrá for di Brazil pa un total di 1.284 turista. For di Colombia a registrá un kresementu di dòbel sifra di 22% na yanüari. Un total di 2.292 kolombiano a keda registrá.

Nos isla ruman Aruba a krese ku 8% na yanüari pa un total di 1.113 turista di estadia. E tòp den kantidat di turista registrá for di Aruba ta visibel riba e djaweps i djabièrnèpromé ku final di Festival di Tumba. Ta un tradishon ku arubianonan ta gran sostenedó di nos Festival di Tumba.

CTB i MEO ta utilisá e modelo Turistika pa kalkulá e impakto ekonómikogenerá for di industria di turismo. Durante e promé luna di aña 2018 por mira 7% kresementu den impakto ekonómiko kompará ku na yanüari 2017. Un impakto direkto di 100 mion florin a keda generá pa nos ekonomia lokal na yanüari 2018. 52.7% di e impakto direkto total ta generá for di turistanan prosedente di Europa kualnan ta responsabel pa un montante di 53 mion florin. Turistanan for di Nort Amérika, Sur Amérika i otro regionnan a generá respektivamente 27, 15i 5 mion florin.

65% di e kantidat total di anochi pa bishitante ta di turistanan for di Europa, representando 242.967 anochi for di e region aki na yanüari 2018. E kantidat di anochi pa bishitante for di Hulanda a krese ku 10%. Total turistanan hulandesnan a keda 201.323 anochi riba nos pais. For di Nort Amérika e kantidat di anochi pa bishitante a krese ku 17%. Un total di 73.305 anochi a keda registrá. Region di Sur Amérika i Karibe a registrá un bahada den kantidat di anochi pa bishitante di respektivamente 13% i 15%.

Download e sifranan .

 
By browsing curacao.com, you accept the use of profiling cookies either ours or third-party ones. More information about cookies and privacy policy.