Kayanan di siudat di New York dòrná ku busnan ku promoshon di Kòrsou

WILLEMSTAD- 14 di desèmber 2017 – Komo parti di e esfuersonan kontinuo pa hasi Kòrsou mas konosí den eksterior, Ofisina di Turismo di Kòrsou (CTB), den kolaborashon ku JetBlue, un di nos partnernan aéreo mas fuerte i ku koperashon di Curaçao Airport Partners (CAP), ta promoviendo Kòrsou komo destinashon ku un serie di kampaña na siudat di New York den e lunanan di novèmber i desèmber.

E promoshon a ranka sali ku dos vehíkulo promoshonal grandi; un bùs di turista di dos piso dekorá i un bùs di dos piso kubrí ku aviso digital. Durante e kampaña di ocho siman, e bùsnan lo pasa den gran parti di Manhattan, riba e rutanan i áreanan mas transitá, manera Union Square, Meatpacking District, Penn Station, Times Square, Flatiron District, Grand Central Station i Central Park, kapturando nada ménos ku 30.000.000+ impreshon i ‘view’. Riba e bùs dekorá lo tin un esena atraktivo di un playa, miéntras ku riba esun digital lo pasa un propaganda di 30 sekònde di Kòrsou, ilustrando tur e aktividatnan fantástiko ku ta tumando lugá aki na Kòrsou, aworakí mes! Durante henter e kampaña lo regalá huntu ku JetBlue Vacations, vários trep pa Kòrsou na habitantenan di New York ku lo haña nèt un bon chèns pa skapa for di e friu.

 
By browsing curacao.com, you accept the use of profiling cookies either ours or third-party ones. More information about cookies and privacy policy.