Kòrsou a partisipá na Caribbean Marketplace

...e Konferensia di Biahe di mas grandi den Karibe...
WILLEMSTAD- 16 di febrüari 2018 – Ofisina di Turismo di Kòrsou (CTB), huntu ku Curaçao Airport Partners i CHATA, a asistí na e konferensia di biahe di mas grandi pa region di Karibe durante e Caribbean Hotel & Tourism Association: Caribbean Marketplace ku a ser tené na San Juan, Puerto Rico di 30 di yanüari pa 1 di febrüari 2018.

E evento anual akí a inkluí partisipashon di 18 pais, 237 delegado i 98 mayorista, tur ku enfoke riba biahe den Karibe. CTB a traha sita ku algun di e partnernan mayorista prinsipal di e industria, manera American Airlines Vacations, Expedia INC, JetBlue Vacations, Apple Leisure Group, WestJet Vacations i tambe partnernan den medionan di komunikashon manera Robb Report, ADARA i TravelZoo, djis pa menshoná algun.

E enfoke di nos reunionnan durante e CHTA Caribbean Marketplace di 2018 tabata pa repasá e resultadonan di nos sifranan di turismo pa 2017, splika kiko ta e proyekshonnan aktual pa loke ta e destinashon Kòrsou, definí strategia di koperashon, identifiká kua ta e oportunidatnan pa partnernan di sektor privá por traha huntu i duna un update general di e produkto turístiko di Kòrsou.

Ademas di e organisashonnan ariba menshoná, tambe a asistí na e konferensia akí partnernan di sektor privá di turismo manera ACOYA Curaçao, Avila Beach Hotel, Hilton Curaçao, Lions Dive & Beach Resort i Renaissance Curaçao Resort & Casino.

 
By browsing curacao.com, you accept the use of profiling cookies either ours or third-party ones. More information about cookies and privacy policy.