‘Kòrsou ta Dushi’ lo ta parti di Marchanan di Karnaval 2018

WILLEMSTAD- 2 di febrüari 2018 – E kampaña di konsientisashon di Ofisina di Turismo di Kòrsou (CTB) ‘Kòrsou ta dushi. Bib’é. Stim’é!’ lo ta den Karnaval 2018. ‘Kòrsou ta dushi’ ta e kampaña di konsientisashon ku CTB a lansa aña pasá ku e meta pa pone énfasis riba e privilegio di ta biba na Kòrsou i tur e aspektonan positivo di nos isla.

Durante di Karnaval 2018 komunidat lo por atmirá un road-piece di ‘Kòrsou ta dushi’ na komienso di e diferente marchanan. Ademas lo tin un trailer dekorá ku e tema di ‘Kòrsou ta dushi’ kompañá pa un promo tim ku lo repartí stèker di e kampaña. Bishitá e página di Facebook i e wèpsait korsoutadushi.com pa bo sa mas di e kampaña. Karnaval 2018; Kòrsou ta dushi. Bib’é. Stim’é!