Minister Martina i CTB ta anunsiá buelo charter for di Trinidad pa Curaçao North Sea Jazz Festival

WILLEMSTAD- 19 di ougùstùs 2018 – Minister di Desaroyo Ekonómiko, Dr. Steven Martina huntu ku Ofisina di Turismo di Kòrsou (CTB) tin e plaser di anunsiá un buelo charter nònstòp for di Trinidad pa e North Sea Jazz Festival (CNSJF) benidero.

Ku anunsio di e buelo charter aki, mas pasahero for di Trinidad tin e posibilidat pa bin disfrutá di nos CNSJF. E buelo lo yega Kòrsou for di Port of Spain, Trinidad riba djaweps 30 di ougùstùs i lo regresá Trinidad djadumingu 2 di sèptèmber 2018. E buelo lo ser operá ku un Boeing 737 di Avior Airlines ku un kapasidat di 140 stul.

E buelo charter aki ta un resultado di e mishon komersial pa Trinidad kual resientemente a tuma lugá bou di guia di Minister Martina. Durante di e bishita na Trinidad e demanda pa asistí na e North Sea Jazz Festival di e aña aki a keda ekspresá. Dor di kapasidat limitá di stul riba e ruta aki Minister Martina huntu ku CTB a regla un buelo charter pa hasi posibel ku bishitantenan for di Trinidad por asistí na e festival.

 
By browsing curacao.com, you accept the use of profiling cookies either ours or third-party ones. More information about cookies and privacy policy.